سنجے دت کینسر سے جنگ جیت گئے؟

ویب ڈیسک

بولی وڈ بابا کہلائے جانے والے سنجے دت کے حوالے سے رواں برس اگست میں خبریں آئیں تھیں کہ وہ چوتھے اسٹیج کے پھیپھڑوں کے کینسر میں مبتلا ہیں، تاہم اب خبر سامنے آئی ہے وہ موذی مرض سے صحیاب ہوگئے۔

0 0
Read Time:3 Minute, 22 Second

بولی وڈ بابا کہلائے جانے والے سنجے دت کے حوالے سے رواں برس اگست میں خبریں آئیں تھیں کہ وہ چوتھے اسٹیج کے پھیپھڑوں کے کینسر میں مبتلا ہیں، تاہم اب خبر سامنے آئی ہے وہ موذی مرض سے صحیاب ہوگئے۔

سنجے دت کے حوالے سے رواں برس اگست میں خبریں سامنے آئی تھیں کہ ان میں پھیپھڑوں کے کینسر کے چوتھے اسٹیج کی تشخیص ہوئی ہے، تاہم انہوں نے خود اس حوالے سے کوئی وضاحت جاری نہیں کی تھی۔

سنجے دت میں کینسر کی تشخیص اس وقت ہوئی تھی جب انہیں اگست میں ہی سانس کی تکلیف کے باعث ہسپتال منتقل کیا گیا تھا،تاہم چند دن بعد ہسپتال سے ڈسچارج ہونے کے بعد اداکار نے اپنی بگڑتی صحت کے مسائل کے باعث فلم اںڈسٹری سے وقفہ لینے کا اعلان کیا تو بھارتی میڈیا میں ان کے کینسر کی خبریں سامنے آئیں۔

لیکن اب خبریں سامنے آئی ہیں کہ وہ موذی مرض سے صحت یاب ہوگئے۔

بھارتی نشریاتی ادارے انڈیا ٹی وی نے اپنی رپورٹ میں سنجے دت کے قریبی دوست اجے اروڑا کا حوالہ دیتے ہوئے دعویٰ کیا کہ سنجے دت کینسر سے صحت یاب ہوگئے۔

اجے اروڑا کا کہنا تھا کہ وہ پہلے دن سے جانتے تھے کہ ایک دن سب ٹھیک ہوجائے گا اور یہ انتائی خوشی کی خبر ہے کہ سنجے دت کینسر سے صحت یاب ہوگئے۔

رپورٹ میں بتایا گیا کہ انڈیا ٹی وی نے سنجے دت کو کینسر کو شکست دینے پر مبارک باد کا پیغام بھی بھجوایا، جس پر اداکار نے نشریاتی ادارے کا شکریہ بھی ادا کیا۔

رپورٹ کے مطابق اداکار کی جانب سے شکریہ ادا کرنا اس بات کی تصدیق ہے کہ سنجے دت کینسر سے صحت یاب ہوگئے، تاہم رپوٹ میں یہ واضح نہیں کیا گیا کہ سنجے دت کو کس اسٹیج کا کینسر تھا؟

دوسری جانب ٹائمز آف انڈیا نے اپنی رپورٹ میں سنجے دت کے خاندان کے ایک شخص کا حوالہ دیتے ہوئے بتایا کہ سنجے دت کی نئی رپورٹس انتہائی اچھی ہیں اور ان پر علاج بہتر اثر کر رہا ہے۔

سنجے دت کے خاندان کے فرد کے مطابق انہیں امید ہے کہ اداکار جلد صحت یاب ہوجائیں گے، کیوں کہ اب تک ان کے ہونے والے علاج کے نتائج بہت اچھے آئے ہیں۔

اداکار کے خاندان کے فرد کا کہنا تھا کہ ابتدائی طور پر خبریں دی گئی تھیں کہ سنجے دت کے پاس زندگی کے محض 6 ماہ ہیں مگر درحقیقت ایسی کوئی بات نہیں تھی۔

اگرچہ اداکار کے اہل خانہ نے بھی سنجے دت کی طبیعت بہتر ہونے کی تصدیق کی، تاہم انہوں نےاداکار کے کینسر فری ہونے کا نہیں بتایا اور نہ ہی انہوں نے سنجے دت کے کینسر کا اسٹیج بتایا۔

دلچسپ بات یہ ہے کہ ایک ہفتہ قبل ہی سنجے دت نے ایک ویڈیو میں تصدیق کی تھی کہ وہ کینسر کا شکار ہوچکے ہیں مگر حیران کن طور پر انہوں نے بھی کینسر کے اسٹیج کا ذکر نہیں کیا تھا۔

اس سے قبل اداکار کے قریبی دوستوں اور بھارتی میڈیا میں چلنے والی خبروں میں دعویٰ کیا گیا تھا سنجے دت میں پھیپھڑوں کے کینسر کے چوتھے اسٹیج کی تشخیص ہوئی ہے۔

تاہم ایسی خبروں کی آج تک نہ تو اداکار نے تصدیق کی اور نہ ہی ان کے اہل خانہ نے ان کے کینسر کے اسٹیج کے حوالے سے کوئی بات کی تھی۔

یہ بھی خبریں تھیں کہ سنجے دت ممکنہ طور پر برطانیہ میں کینسر کا علاج کروائیں گے اور ایسی رپورٹس بھی تھیں کہ اداکار نے ابتدائی علاج بھارت سے ہی کروانا شروع کردیا۔

تاہم شروع سے ہی سنجے دت کی بیماری کے اسٹیج اور علاج سے متعلق کوئی بھی تصدیقی خبر سامنے نہیں آئی تھی اور اب ان کے صحت مند ہونے کی خبریں بھی سامنے آئی ہیں لیکن اس ضمن میں بھی اداکار کے اہل خانہ نے کھل کر تصدیق یا تردید نہیں کی۔

سنجے دت کی بیماری، ان کے علاج اور اب ان کے صحت یاب ہونے کی متضاد خبروں سے ان کے لاکھوں مداح خوشی کے ساتھ پریشانی میں مبتلا ہیں کہ ان کے پسندیدہ اداکار کی اصل صحت کیسی ہے؟

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

مریم، صفدر کے ساتھ پیش آنے والے واقعے پر شرمندہ ہوں، بلاول

پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ مسلم لیگ (ن) کی نائب صدر مریم نواز اور رہنما کیپٹن (ر) صفدر کے ساتھ پیش آنے والے واقعے پر شرمندہ ہوں۔
bilawal-zardari-wSD