عائشہ خان نے آخر کار بیٹی کی پہلی جھلک دکھادی

ویب ڈیسک

ماضی کی مشہور اداکارہ و ماڈل عائشہ خان نے جنہوں نے 2 برس قبل شوبز چھوڑنے کا اعلان کیا تھا، انہوں نے آخر کار اپنی بیٹی کی پہلی جھلک مداحوں کو دکھادی۔

0 0
Read Time:2 Minute, 29 Second

ماضی کی مشہور اداکارہ و ماڈل عائشہ خان نے جنہوں نے 2 برس قبل شوبز چھوڑنے کا اعلان کیا تھا، انہوں نے آخر کار اپنی بیٹی کی پہلی جھلک مداحوں کو دکھادی۔

گزشتہ برس عائشہ عمر کے ہاں بیٹی کی پیدائش ہوئی تھی لیکن وہ اپنی بیٹی کی کوئی بھی ایسی تصویر نہیں لگاتی تھیں جس میں بچی کا چہرہ واضح ہو۔

عموماً عائشہ خان جب بھی اپنی بیٹی کے ساتھ کوئی بھی تصویر شیئر کرتی تھیں تو وہ کسی ایموجی یا کسی دوسرے طریقے سے بچی کا چہرہ نہیں دکھاتی تھیں۔

علاوہ ازیں اپنی بیٹی کا چہرہ نہ دکھانے پر اداکارہ کو تنقید کا سامنا بھی رہا اور کچھ سوشل میڈیا صارفین کی جانب سے اس حوالے سے تنقید بھی کی گئی تھی۔

رواں برس جون میں اداکارہ نے ایک فیملی تصویر پوسٹ کی تھی جس میں انہوں نے بیٹی کے چہرے پر ایموجی لگا کر اسے چھپادیا تھا جس پر ایک صارف نے تنقید کی تھی۔

کمنٹ میں کہا گیا تھا بیٹی کا چہرہ چھپانے کی کیا وجہ ہے؟ انہوں نے کہا تھا کہ مغربی ممالک میں لوگ اپنے بچوں کی تصویریں دیواروں پر لگاتے ہیں جبکہ یہاں ہم دیسی بچوں کے چہرے ایسے چھپاتے ہیں جیسے کسی اور کے بچے ہی نہیں ہیں۔

—فوٹو:اسکرین شاٹ

جس پر عائشہ خان نے جواب دیا تھا کہ عائشہ خان نے انتہائی احترام کے ساتھ عرض کرتی ہوں کہ اگر مجھے کوئی تصویر اچھی لگے گی تو میں پوسٹ کروں گی۔

انہوں نے مزید کہا تھا کہ تصویر پوسٹ کرتے وقت ماہ نور کا تصویر میں شامل ہونا یا نہ ہونا بھی انہی کی مرضی پر منحصر ہے اور آپ تصویر شیئر کیے جانے کی وجہ بالکل نہیں سمجھ پائے کہ بچوں کے ساتھ تصویر کھنچوانا کتنا چیلنجنگ ہوتا ہے۔

اور اب انہوں نے اپنے انسٹاگرام پر اسٹوری میں اپنی بیٹی کی تصویر شیئر کی ہے لیکن یہ تصویر سائیڈ پوز سے لی گئی ہے اور بچی کا چہرہ نظر آرہا ہے۔

—فوٹو:اسکرین شاٹ

عائشہ خان کی جانب سے شیئر کی گئی تصویر میں ان کی بیٹی کو کھیلتے ہوئے دیکھا جاسکتا ہے اور انہوں نے تصویر میں بیٹی کو اپنی محبت بھی قرار دیا۔

یاد رہے کہ عائشہ خان نے 2018 میں ایک فیس بک پوسٹ کے ذریعے شوبز کو خیرباد کہنے کا اعلان کیا تھا، جس کے بعد انہوں نے ایک اور پوسٹ کے ذریعے بتایا تھا کہ انہوں نے یہ فیصلہ اس لیے کیا کیوں کہ وہ اپنی زندگی کا ایک اہم قدم اٹھانے جارہی ہیں۔

بعد ازاں اپریل 2018 میں اداکارہ نے شادی کرکے شوبز کو ہمیشہ کے لیے خیرباد کہہ دیا تھا۔

عائشہ خان نے پاک فوج کے افسر سے شادی کی تھی—فوٹو: ماہا فوٹوگرافی/ انسٹاگرام

اداکارہ عائشہ خان نے پاک فوج کے افسر عقبہ حدید ملک سے شادی کی تھی اور گزشتہ برس ان کے ہاں بیٹی کی پیدائش ہوئی تھی۔

عائشہ خان نے اپنے ہاں ننھے مہمان کی آمد کا اعلان سوشل میڈیا پوسٹ کے ذریعے کیا تھا اور اس بات پر خدا کا شکر ادا کیا تھا۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

ایس او پیز نظر انداز کرنے پر ‘سخت اقدامات’ کا انتباہ

نیشنل کمانڈ اینڈ آپریشن سینٹر (این سی او سی) نے خبردار کیا ہے کہ اگر کووڈ-19 کے روک تھام کے لیے نافذ اسٹینڈرڈ آپریٹنگ پروسیجرز (ایس او پیز) پر بہتر طور پر عمل نہیں کیا گیا تو سخت اقدامات کیے جائیں گے۔
sops-wSD