علی ظفر’ نمل نالج سٹی’ کے سفیر مقرر

ویب ڈیسک

وزیراعظم عمران خان نے پاکستان کے نامور گلوکار و اداکار علی ظفر کو ملک کے پہلے نمل نالج سٹی کا ایمبیسڈر مقرر کردیا۔

0 0
Read Time:2 Minute, 53 Second

وزیراعظم عمران خان نے پاکستان کے نامور گلوکار و اداکار علی ظفر کو ملک کے پہلے نمل نالج سٹی کا ایمبیسڈر مقرر کردیا۔

سماجی رابطے کی ویب سائٹ ٹوئٹر پر کی گئی ٹوئٹ میں گلوکار علی ظفر نے کہا کہ وزیراعظم عمران خان کی جانب سے پاکستان کے پہلے اور سب سے بڑے نالج سٹی ’نمل نالج سٹی‘ کا ایمبیسڈر مقرر کیا جانا ان کے لیے بہت بڑا اعزاز ہے۔

علی ظفر نے اپنی ٹوئٹ میں مزید کہا کہ کسی ملک اور معاشرے کی ترقی میں علم کلیدی کردار ادا کرتاہے۔

علاوہ ازیں گلوکار علی ظفر نے اپنے انسٹاگرام پر بھی اس حوالے سے مختلف پوسٹس کیں اور نالج سٹی کا سفیر مقرر ہونے کا اعلان کیا۔

ایک انسٹا پوسٹ میں انہوں نے کہا کہ ڈاکٹر کنول امین اور پروفیسر محمد ظفر اللہ کا بیٹا ہونے کے باعث میرے لیے یہ اعزاز انتہائی اطمینان بخش اور پرجوش ہے جنہوں نے بطور ماہر تعلیم اپنی زندگی کو حصول علم اور اسے پھیلانے کے لیے وقف کیا اور ہمیں بھی اسی راہ پر چلنے پر زوردیا۔

علی ظفر نے کہا کہ اللہ نے مجھے موقع دیا ہے کہ میں بطور ایمبیسڈر اپنی نوعیت کے پہلے نالج سٹی ’نمل’ کی تعمیر میں اپنا کردار ادا کروں۔

گلوکار نے مزید لکھا کہ بنجر زمین میں بنایا ہوا ایک ایسا شہر جس کا تصور وزیر اعظم عمران خان نے کیا ہے۔

https://www.instagram.com/p/CGxCbA0FttB/?utm_source=ig_embed

یہاں یہ بات مدنظر رہے کہ نمل نالج سٹی کا ایمبیسڈر مقرر کیا جانا علی ظفر کے لیے رواں برس کا دوسرا بڑا اعزاز ہے، اس سے قبل اگست میں صدر مملکت کی جانب سے سول ایوارڈز کا اعلان کیا گیا تھا جن میں علی طفر کا نام بھی شامل تھا۔

خیال رہے کہ 2 روز قبل 24 اکتوبر کو وزیراعظم عمران خان نے میانوالی میں نمل نالج سٹی فیز ون کا سنگ بنیاد رکھا تھا۔

تقریب سے خطاب میں وزیراعظم عمران خان نے پاکستان کے نوجوانوں کے لیے سستے اور معیاری اعلیٰ تعلیمی مواقع فراہم کرنے پر زور دیتے ہوئے کہا تھا کہ اچھی تعلیم ہی تحمل مزاج اور ترقی پسند معاشرے کی بنیاد رکھتی ہے۔

وزیراعظم آفس سے جاری پریس ریلیز میں کہا گیا تھا اس نالج سٹی کا وژن دور دراز علاقوں کی پسماندہ آبادی کے لیے وزیراعظم نے پیش کیاتھا۔

اس موقع پر وزیراعظم عمران خان کو بریفنگ دی گئی تھی کہ نالج سٹی کے پہلے مرحلے کی تکمیل کے بعد پسماندہ علاقوں کے 10ہزار سے زائد طلبہ اس مستفید ہوں گے۔

وزیراعظم کو آگاہ کیا گیا تھا کہ یہ منصوبہ ماحول دوست اور گرین اسٹرکچر کا جدید نمونہ ہوگا۔

سنگِ بنیاد کی تقریب سے خطاب میں وزیراعظم نے لاکھوں روپے کے عطیات دینے والے افراد کے عزم کو خراج تحسین پیش کیا اور ان کا شکریہ ادا کیا۔

وزیراعظم عمران خان نے اس نالج سٹی کو بین الاقوامی شہرت کا حامل ادارے میں تبدیل کرنے کی خواہش کا اظہار بھی کیا تھا۔

اس حوالے سے وزیراعظم عمران خان کے آفیشل انسٹاگرام اکاؤنٹ پر ایک ویڈیو جاری کی گئی تھی جس کے کیپشن میں کہا گیا تھا کہ پاکستان کے سب سے بڑے نالج سٹی کا تصور میں نے 2005 میں کیا تھا اور آج اس کا پہلا قدم حقیقت بن گیا ہے۔

https://www.instagram.com/p/CGuJFVSntya/?utm_source=ig_embed
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

سام سنگ فونز میں اسپام کالز آٹو بلاک کرنے کا فیچر متعارف

بہت جلد سام سنگ کے اسمارٹ فونز استعمال کرنے والے صارفین کے لیے روبو کالز اور دیگر غیر مطلوب فون کالز سے بچنا آسان ہوجائے گا۔
SAMSUNG-wSD