‘کشف’ ڈراما میری غیر معمولی مقبولیت کی وجہ بنا، حرا مانی

ویب ڈیسک
0 0
Read Time:2 Minute, 17 Second

پاکستانی اداکارہ حرا مانی کو اپنے مختلف کرداروں اور صلاحیتوں کی وجہ سے ڈراما انڈسٹری کی صف اول کی اداکاراؤں میں شامل کیا جاتا ہے۔

اور اب انہوں نے حال ہی میں اختتام کو پہنچنے والے ڈرامے ‘کشف’ میں اپنے کردار سے متعلق کہا ہے کہ یہ کردار مشکل ترین تھا۔

حال ہی میں بی بی سی ایشین نیٹ ورک کو دیے گئے انٹرویو میں حرا مانی نے کہا کہ کشف کا کردار ہر کوئی ادا نہیں کرسکتا تھا۔

حرا مانی نے کہا کہ یہ کردار میرے لیے بطور اداکارہ صرف ایک کامیابی سے بڑھ کر کچھ نہیں ہے بلکہ اس نے مجھے اللہ سے جوڑنے میں مدد دی۔

انہوں نے کہا کہ اس ڈرامے میں، میں نماز پڑھتی اور اللہ کے سامنے رو کر مجھے سکون ملتا تھا۔

حرا مانی نے کہا کہ کشف، مِیں نے کرلیا لیکن یہ کردار مجھ پر اثر انداز ہوا ہے کہ وہ کیفیت میرے اندر رہ گئی ہے۔

ان کا کہنا تھا کہ اس سے قبل انہوں نے جب بھی کسی ڈرامے میں کوئی کردار ادا کیا جیسا کہ ‘دل موم کا دیا’، ‘دو بول’، ‘میرے پاس تم ہو’ ان سب میں یہ ہوتا تھا کہ وہ لباس تبدیل کرکے، کردار کے لحاظ سے تیا ہوجاتی ہیں۔

اداکارہ کا مزید کہنا تھا کہ کشف مختلف تھا، یہ کوئی عام کردار نہیں تھا، مجھے یہ کردار بہت زیادہ پسند آیا اور اسے ادا کرکے مجھے بہت اچھا لگا۔

انہوں نے اس بات کا اعتراف بھی کیا کہ کشف ڈراما ان کی غیر معمولی مقبولیت کی وجہ بنا۔

— فوٹو:انسٹاگرام

حرا مانی نے کہا کہ ‘کیا یہ دلچسپ نہیں کہ میرا کردار خدا سے قریب ترین تھا اور اس نے مجھے بلندی تک پہنچادیا؟’

اداکارہ نے مزید کہا کہ کشف میرا ڈراما تھا اور میں خدا کا شکر ادا کرتی ہوں کہ اس میں کامیاب ہوئی۔

ایک سوال کے جواب میں حرا مانی نے کہا کہ میں اپنے کرداروں کا موازنہ حقیقی زندگی سے نہیں کرتی کیونکہ ڈرامے حقیقت سے دور ہوتے ہیں۔

انہوں نے کہا کہ حقیقت اس سے مختلف ہوتی ہے جو ڈراموں میں دکھایا جاتا ہے، لیکن یہ ڈراما بھی ‘مختلف’ تھا۔

— فوٹو:اسکرین شاٹ

خیال رہے کہ کشف نامی ڈرامے اداکارہ حرامانی اور اداکار جنید خان مرکزی کرداروں میں دکھائے دیے تھے۔

اس ڈرامے میں حرا مانی نے کشف نامی لڑکی کا کردار نبھایا تھا جسے خواب آتے تھے جو بعد ازاں حقیقت کا روپ دھار لیتے تھے۔

خواب آنے کی اس کیفیت کی وجہ سے اسے عام زندگی چھوڑ کر آستانے پر بھی بیٹھنا پڑا اور اس ڈرامے میں انہیں خاندان کے لالچ کا شکار ہوتے اور اس کے جدوجہد کرتے دکھایا گیا۔

کشف ڈرامے کی کہانی عمران نذیر نے لکھی جب اس کی ہدایات دانش نواز نے دیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

اسرائیل کو تسلیم کرنے کیلئے پاکستان کو امریکا کے شدید دباؤ کا سامنا ہے، وزیراعظم

کراچی: وزیراعظم عمران خان نے کہا ہے کہ پاکستان کو امریکا کی جانب سے اسرائیل کو تسلیم کرنے کے لیے شدید دباؤ کا سامنا ہے بالخصوص متعدد عرب ممالک کے تل ابیب کے ساتھ امن معاہدوں کے تناظر میں، لیکن ایسا اس وقت تک ممکن نہیں ‘جب تک ایسا تصفیہ […]
imran-khan-wSD