چیڈوک بوسمین کیلئے بعد از مرگ ’عہد کے ہیرو‘ کا ایوارڈ

ویب ڈیسک
0 0
Read Time:2 Minute, 22 Second

رواں برس اگست میں بڑی آنت کے کینسر کے باعث 43 برس کی عمر میں چل بسنے والے ہولی وڈ سپر ہیرو چیڈوک بوسمین کو ان کی موت کے بعد ’ہیرو آف ایجز‘ یعنی اپنے ’عہد کے ہیرو‘ کا ایوارڈ دے دیا۔

چیڈوک بوسمین کو معروف امریکی ایوارڈز ’ایم ٹی وی موویز اینڈ ٹی وی ایوارڈز‘ میں اعلیٰ ترین ایوارڈ سے نوازا گیا۔

شوبز ویب سائٹ انٹرٹینمنٹ آن لائن کے مطابق کورونا کے باعث معروف ایوارڈ کی تقریب آن لائن منعقد کی گئی، جسے ایم ٹی وی سمیت مختلف سوشل میڈیا پلیٹ فارمز پر بھی دکھایا گیا۔

90 منٹ کی ایوارڈز تقریب میں سب سے بڑا ایوارڈ یعنی اپنے ’عہد کے ہیرو‘ کا ایوارڈ آنجھانی چیڈوک بوسمین کو دیا گیا اور انہیں رابرٹ ڈائنے جونیئر اور ڈون چیڈل نے خراج عقیدت بھی پیش کیا۔

چیڈوک بوسمین کو ان کی موت کے 4 ماہ بعد ایوارڈ سے نوازا گیا، انہوں نے ’بلیک پینتھر‘ سمیت متعدد کامیاب فلموں میں اداکاری کے جوہر دکھائے اور حال ہی میں ان کی آخری فلم ’مارینی: بلیک بوٹم‘ کو بھی ریلیز کردیا گیا۔

ایم ٹی وی ایوارڈز میں 28 سال میں پہلی بار ایک نیا ایوارڈ ’شیرو‘ بھی دیا گیا اور اس کا پہلا ایوارڈ اسرائیلی نژاد امریکی اداکارہ گال گدوت حاصل کرنے میں کامیاب رہیں۔

ایم ٹی وی ایوارڈز کو 1992 سے فلم اور ٹی وی کی مختلف کیٹیگریز میں دیا جا رہا ہے، تاہم پہلی بار اس ایوارڈ میں ’شیرو‘ کا ایوارڈ بھی متعارف کرایا گیا جو وومن سپر ہیروز کے کردار ادا کرنے والی گال گدوت کو دیا گیا۔

اسی طرح ایوارڈز تقریب میں دیگر شعبوں میں بھی ایوارڈز دیے گئے اور مجموعی طور پر 10 کیٹیگریز میں ایوارڈز دیے گئے۔

تقریب میں ’ڈانس آف ایوارڈ‘ کیون بیکون، ’کامیڈی گیانٹ ایوارڈ‘ کیون ہرٹ، ’ڈائنامک ڈیو ایوارڈ‘ ایڈم سینڈلر اور ڈریو بیری مور کو دیا گیا۔

’گریٹیسٹ آل ٹائم آنر ایوارڈ‘ اسکریم کوئین ویب سیریز کو دیا گیا جب کہ ’ہارٹ بریکنگ ایوارڈ‘ جیسن سیگل و کرسٹین بیل کو دیا گیا۔

’زیرو ٹو ہیرو ایوارڈ‘ ولیم زبکا کو دیا گیا جب کہ ’کس لپ لاک ایوارڈ‘ سارہ مشیل گلر اور سیلمیٰ بلیئر کو دیا گیا۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

امریکی حکومت کا ٹک ٹاک کو مزید مہلت نہ دینے کا فیصلہ

امریکا نے چینی کمپنی بائیٹ ڈانس نے مقبول سوشل میڈیا ایپ ٹک ٹاک کی فروخت کے لیے 4 دسمبر تک کی مہلت دی تھی جو خاموشی سے گزر گئی۔ مہلت ختم ہونے کے باوجود امریکا میں ٹک ٹاک کے آپریشنز پر پابندی نہیں لگائی گئی، اور نہ ہی کوئی بیان […]
tik-tok-wSD