زین ملک اور جی جی حدید کے ہاں بیٹی کی پیدائش

ویب ڈیسک

فلسطینی نژاد امریکی سپر ماڈل 25 سالہ جی جی حدید اور پاکستانی نژاد 27 سالہ گلوکار زین ملک کے ہاں بیٹی کی پیدائش ہوئی ہے۔

0 0
Read Time:2 Minute, 24 Second

فلسطینی نژاد امریکی سپر ماڈل 25 سالہ جی جی حدید اور پاکستانی نژاد 27 سالہ گلوکار زین ملک کے ہاں بیٹی کی پیدائش ہوئی ہے۔

زین ملک اور جی جی حدید نے اس خوشخبری کا اعلان انسٹاگرام پر بچی کا ہاتھ تھامے بلیک اینڈ وائٹ تصویر شیئر کرتے پوئے کیا۔

انسٹاگرام پر کی گئی پوسٹ میں زین ملک نے بیٹی کی پیدائش سے آگاہ کیا اور لکھا کہ وہ صحت مند اور خوبصورت ہے۔

زین ملک نے مزید لکھا کہ اس وقت میں کیسا محسوس کررہا ہوں اسے لفظوں میں بیان کرنا ناممکن ہوگا۔

انہوں نے لکھا کہ اس ننھی سی بچی کے لیے جو محبت میں محسوس کرتا ہوں کہ وہ میری سمجھ سے باہر ہے، مجھے اسے اپنا کہنے پر فخر اور اس زندگی کا شکر گزار ہوں جو ہم ساتھ گزاریں گے۔

دوسری جانب جی جی حدید نے اپنی پوسٹ میں لکھا کہ ہماری بیٹی نے اس ہفتے کے آخر میں دنیا میں قدم رکھا اور وہ پہلے ہی ہماری دنیا بدل چکی ہے۔

خیال رہے کہ رواں برس اپریل میں جی جی حدید شادی سے قبل ہی حاملہ ہوگئیں، خبریں تھیں کہ جی جی حدید اور پاکستانی نژاد برطانوی گلوکار 27 سالہ زین ملک شادی سے قبل ہی والدین بننے والے ہیں۔

امریکی میڈیا میں افواہیں آنے کے بعد اگرچہ جی جی حدید کی والدہ نے بھی تصدیق کی تھی کہ ان کی بیٹی اُمید سے ہیں، جس کے بعد مئی میں انہوں نے خود بھی حاملہ ہونے کی خبروں کی تصدیق کی تھی۔

خیال رہے کہ امریکی و برطانوی شوبز شخصیات کے ہاں منگنی کرنے کے بعد ہی شادی سے قبل پہلے بھی بچوں کی پیدائش ہوچکی ہے اور مغربی ممالک کی اہم شخصیات کے ہاں اس عمل کو غلط نہیں سمجھا جاتا۔

دلچسپ بات یہ ہے کہ جی جی حدید اور زین ملک نے منگنی بھی نہیں کی ہے اور ماضی میں ان دونوں کے تعلقات کشیدہ بھی رہے ہیں۔

زین ملک اور جی جی حدید کے درمیان ابتدائی طور پر 2015 میں تعلقات استوار ہوئے اور دونوں کو ایک دوسرے کے ساتھ متعدد بار دیکھا گیا جب کہ دونوں میڈیا میں ایک دوسرے سے محبت کا بھی کھلم کھلا اظہار کرتے تھے۔

تاہم 2018 میں دونوں کے درمیان نامعلوم وجوہات کی بنا پر اختلافات ہوگئے اور دونوں کے درمیان علیحدگی ہوگئی تھی لیکن جنوری 2020 میں ایک بار پھر دونوں کے درمیان تعلقات استوار ہونے کی خبریں سامنے آئی تھیں۔

جنوری 2020 کے بعد جی جی حدید اور زین ملک کو متعدد بار ایک ساتھ دیکھا گیا تھا تاہم انہوں نے اپنے تعلقات بحال ہونے پر کھل کر بات نہیں کی تھی اور چند دن قبل ہی ان کے حوالے سے خبریں آنا شروع ہوئیں کہ دونوں شادی سے قبل والدین بننے والے ہیں۔

رپورٹس تھیں کہ کورونا وائرس کی وبا کی وجہ سے دونوں امریکا میں ایک ساتھ گھر تک محدود ہیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

گوگل میپس میں کووڈ لیئر کا اضافہ

گوگل کی جانب سے مقبول ترین میپس ایپ میں لوگوں کو کورونا وائرس سے تحفظ فراہم کرنے والے ایک نئے فیچر کا اضافہ کیا گیا ہے۔
coronavirus-map-wSD