وزیر اعظم اور آرمی چیف کی ملاقات، داخلی و خارجی سیکیورٹی صورتحال پر تبادلہ خیال

ویب ڈیسک

وزیراعظم عمران خان سے آرمی چیف جنرل قمر جاوید باجوہ نے ملاقات کی اور مختلف اہم امور پر تبادلہ خیال کیا۔

0 0
Read Time:2 Minute, 12 Second

وزیراعظم عمران خان سے آرمی چیف جنرل قمر جاوید باجوہ نے ملاقات کی اور مختلف اہم امور پر تبادلہ خیال کیا۔

دفتر وزیراعظم سے جاری ایک بیان میں بتایا گیا کہ اسلام آباد میں عمران خان سے جنرل قمر جاوید باجوہ نے ملاقات کی، جس میں پاک فوج کے پیشہ ورانہ امور اور داخلی اور خارجی سیکیورٹی صورتحال پر تبادلہ خیال کیا گیا۔

دوران ملاقات پاکستان میں تشدد کو ہوا دینے کی کوششوں سے متعلق وزیراعظم عمران خان نے اس پر زور دیا کہ پوری قوم دشمن کی بزدلانہ کارروائیوں کے خلاف متحد ہے۔

اس موقع پر وزیراعظم عمران خان نے مادر وطن کے دفاع کے لیے جانیں قربان کرنے والے پاک فوج، ایف سی اور قانون نافذ کرنے والے اداروں کے جوانوں کو خراج تحسین پیش کیا۔

خیال رہے کہ یہ ملاقات ایسے وقت میں سامنے آئی ہے جب حالیہ دنوں میں ملک میں دہشت گردی کے کچھ واقعات رونما ہوئے ہیں۔

27 اکتوبر کو پشاور کی دیرکالونی میں واقعہ مدرسے میں دھماکا ہوا تھا، جس کے نتیجے میں 8 افراد جاں بحق اور 100 سے زائد زخمی ہوگئے تھے۔

دھماکا اس وقت ہوا تھا جب مدرسے میں کلاس جاری تھی جبکہ ابتدائی طور پر بتایا گیا تھا کہ یہ ایک آئی ای ڈی دھماکا تھا جس میں 5 سے 6 کلو گرام بارودی مواد استعمال کیا گیا تھا۔

علاوہ ازیں گزشتہ روز پاک فوج کے سربراہ نے پشاور میں لیڈی ریڈنگ ہسپتال میں مدرسہ دھماکے میں زخمی ہونے والے بچوں اور دیگر افراد کی عیادت بھی کی تھی اور اُن کی صحت کے بارے میں دریافت کیا تھا۔

پاک فوج کے شعبہ تعلقات عامہ آئی ایس پی آر نے بتایا تھا کہ اس موقع پر جنرل قمر جاوید باجوہ نے کہا کہ 16 دسمبر 2014 کو اے پی ایس پشاور میں معصوم بچوں کو ٹارگٹ کیا گیا، 27 اکتوبر کو یوم سیاہ کشمیر کے موقع پر دشمن نے ایک بار پھر اپنی سیاہ تاریخ اور مذموم عزائم کو دوبارہ پروان چڑھانے کے لیے مدرسہ کے معصوم بچوں کو خون میں نہلا دیا، ان بچوں میں افغان مہاجرین کے بچوں کی بڑی تعداد بھی شامل تھی۔

انہوں نے کہا تھا کہ اس وقت تک چین سے نہیں بیٹھیں گے جب تک ہم دہشت گردوں اور ان کے سہولت کاروں کو کیفر کردار تک نہ پہنچائیں، کل بھی پوری قوم نے دہشت گردوں کے بیانیے کو مسترد کرتے ہوئے بے مثال یکجہتی کا مظاہرہ کیا تھا اور ہم آج بھی متحد ہیں اور مل کر اس کا مقابلہ کریں گے۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

فرانس: گرجا گھر کے قریب چاقو کے حملے میں خاتون سمیت 3 افراد ہلاک

فرانس کے شہر نیس میں ایک حملہ آور نے چاقو کے وار کر کے ایک خاتون کا گلا کاٹنے کے علاوہ 2 افراد کو ہلاک جبکہ متعدد کو زخمی کردیا۔
french-killed-wSD