کورونا سے متاثرہ وکیل چیف جسٹس کی عدالت میں پیش

ویب ڈیسک
0 0
Read Time:1 Minute, 58 Second

سپریم کورٹ میں اس وقت ایک عجیب صورتحال دیکھنے میں آئی جب کورونا وائرس سے متاثرہ وکیل چیف جسٹس گلزار احمد کی عدالت میں پہنچ گیا۔

عدالت عظمیٰ میں بدھ کے روز کیسز کی سماعت جاری تھی کہ اس دوران ایک وکیل بیرسٹر ڈاکٹر عدنان خان عدالت میں پیش ہوئے۔

وکیل نے عدالت میں پیش ہونے کے بعد کہا کہ مجھے کورونا وائرس ہے لیکن میں آپ کی عدالت میں پیش ہورہا ہوں۔

عدالت میں وکیل کی اس بات کے بعد کھلبلی مچ گئی، جس پر چیف جسٹس نے متاثرہ وکیل سے پوچھا کہ آپ عدالت میں کیوں آئے ہیں؟ آپ دوسروں کی زندگیوں سے کھیل رہے ہیں۔

اس پر وکیل کا کہنا تھا کہ تین دن قبل کورونا وائرس کے سبب کیس ملتوی کرنے کی درخواست ایک عدالت میں بھجوائی لیکن میرا کیس خارج کردیا گیا۔

وکیل نے کہا کہ آج ہائر ایجوکیشن کے لیکچرارز کا اہم کیس لگا ہوا تھا، اس لیے آگیا۔

اس پر چیف جسٹس نے ریمارکس دیے کہ آپ اپنے دلائل تحریری طور پر دے دیں اور فوراً کمرہ عدالت سے چلے جائیں، جس کے بعد وکیل کمرہ عدالت سے چلے گئے۔

خیال رہے کہ ملک میں کورونا وائرس کی دوسری لہر جاری ہے اور اس سے ہر شعبہ ہائے زندگی سے تعلق رکھنے والے افراد متاثر ہورہے ہیں۔

ملک میں اس وبا کے پھیلاؤ کو روکنے کے لیے مختلف اقدامات اٹھائے گئے ہیں جس میں ایس او پیز پر سختی سے عملدرآمد بھی شامل ہے تاہم مجموعی صورتحال میں لوگوں کو ایس او پیز پر مکمل علمدرآمد کرتے ہوئے دیکھا نہیں جارہا۔

اس وائرس سے اب تک پاکستان میں مجموعی کیسز کی تعداد 3 لاکھ 82 ہزار 892 ہے جس میں سے 3 لاکھ 32 ہزار 974 صحتیاب ہوئے ہیں جو 87 فیصد ہے جبکہ اموات کی تعداد 7 ہزار 803 تک پہنچ گئی ہے۔

تاہم اگر صرف وفاقی دارالحکومت کی بات کی جائے تو وہاں کورونا وائرس کے کیسز دن بدن پڑھ رہے ہیں اور 25 نومبر کو سامنے آنے والے گزشتہ 24 گھنٹوں کے اعداد شمار کے مطابق اسلام آباد میں وبا کے مزید 424 کیسز کی تصدیق ہوئی۔

جس کے بعد وفاقی دارالحکومت اسلام آباد میں متاثرہ افراد کی تعداد 27 ہزار 979 ہوگئی۔

اسی طرح وہاں کورونا سے مزید 6 مریض جاں بحق بھی ہوئے جس کے بعد یہاں اموات بڑھ کر 291 ہوگئیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کورونا وائرس: ملک میں ایک روز میں 3 ہزار 306 کیسز، 40 اموات کا اضافہ

پاکستان میں کورونا وائرس کی دوسری لہر میں ہرگزرتے دن کے ساتھ تیزی آرہی ہے اور ملک میں مسلسل دوسرے روز 3 ہزار سے زائد کیسز رپورٹ ہوئے ہیں جو جولائی کے بعد مسلسل دوسرے دن کیسز کی اتنی بڑی تعداد ہے۔ اس وقت ملک میں کورونا وائرس کے مجموعی […]
coronacases-wSD