بینظیر بھٹو کی برسی: فضل الرحمٰن کا جلسے میں شرکت نہ کرنے کا فیصلہ

ویب ڈیسک
0 0
Read Time:2 Minute, 12 Second

جمعیت علمائے اسلام (ف) و پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمٰن نے بینظیر بھٹو کی برسی کی تقریب اور جلسے میں شرکت نہ کرنے کا فیصلہ کیا ہے۔

جے یو آئی (ف) کے ترجمان اسلم غوری نے بیان میں کہا کہ 27 دسمبر کو بینظیر بھٹو کی برسی کی تقریب اور جلسے میں جمعیت علمائے اسلام کا وفد مرکزی سیکریٹری جنرل سینیٹر مولانا عبدالغفور حیدری کی قیادت میں شریک ہوں گا۔

انہوں نے کہا کہ وفد میں مرکزی سالار انجینیئر عبدالرزاق عابد لاکھو، مولانا سعود افضل، مولانا سراج احمد شاہ اور مولانا عبداللہ مہر شامل ہوں گے۔

ان کا کہنا تھا کہ یہ وفد مولانا فضل الرحمٰن کی ہدایت پر بینظیر بھٹو کی برسی میں شریک ہو گا۔

ترجمان کی جانب سے مولانا فضل الرحمٰن کی جلسے میں شرکت نہ کرنے کی وجہ نہیں بتائی گئی۔

مولانا فضل الرحمٰن انتہائی مصروفیت کے باعث شرکت نہیں کر رہے، راجہ پرویز اشرف

تاہم دوسری جانب جیکب آباد میں میڈیا سے گفتگو کرتے ہوئے سابق وزیر اعظم و پاکستان پیپلز پارٹی (پی پی پی) کے سینیئر رہنما راجہ پرویز اشرف نے کہا کہ ‘مولانا فضل الرحمٰن انتہائی مصروفیت کے باعث بینظیر بھٹو کی برسی میں شرکت نہیں کر رہے اور ان کی طرف سے اعلیٰ سطح کا وفد شرکت کرے گا’۔

مسلم لیگ فنکشنل کے رہنما محمد علی درانی کی حالیہ دنوں شہباز شریف سے جیل میں ملاقات سے متعل انہوں نے کہا کہ ‘محمد علی درانی کی شہباز شریف سے ملاقات تعزیت تھی یا کسی کا پیغام پتہ نہیں، جبکہ کسی نے اپوزیشن سے بات کرنی ہے تو اپوزیشن لیڈر کو پارلیمان میں لائیں’۔

سینیٹ انتخابات اوپن بیلٹ کے ذریعے کرانے کی حکومتی خواہش پر راجہ پرویز اشرف کا کہنا تھا کہ ‘اس حوالے سے کئی ایسے معاملات ہیں جن پر بات چیت کی ضرورت ہے کیونکہ سینیٹ انتخابات، عام انتخابات یا قومی اسمبلی کے الیکشن کی طرح نہیں ہوتے، یہاں ووٹ منتقل ہوسکتا ہے اور اراکین کی ترجیحات ہوتی ہیں اس لیے اس پر بیٹھ کر تفصیلی بات ہونی چاہیے’۔

خیال رہے کہ دو روز قبل سابق صدر و پاکستان پیپلز پارٹی کے شریک چیئرمین آصف علی زرداری نے مولانا فضل الرحمٰن کو 27 دسمبر کو سابق وزیر اعظم بینظیر بھٹو کی برسی کے موقع پر گڑھی خدابخش لاڑکانہ میں ہونے والے جلسے میں شرکت کی دعوت دی تھی۔

پیپلزپارٹی کی جانب سے جاری بیان میں کہا گیا تھا کہ سابق صدر نے مولانا فضل الرحمٰن کو ٹیلی فون کال کرکے جلسے میں شرکت کی دعوت دی۔

اس سے قبل بلاول بھٹو زرداری کی جانب سے پی ٹی ایم رہنماؤں کو جلسے میں شرکت کی دعوت دی گئی تھی۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

پاکستان میں کورونا وائرس کے کیسز میں ایک ہزار 974، اموات میں 55 کا اضافہ

دنیا بھر میں کروڑوں لوگوں کو متاثر اور لاکھوں کو ہلاک کرنے والے مہلک کورونا وائرس کی دوسری لہر پاکستان میں بھی جاری ہے اور اس سے یومیہ کیسز اور اموات میں اضافہ ہوا ہے۔ سرکاری اعداد و شمار کے مطابق گزشتہ 24 گھنٹوں کے دوران ملک میں مزید ایک […]
pakistan-corona-cases-wSD