ایک کیفے میں فیس ماسک نہ پہننے والے 56 افراد کورونا وائرس سے متاثر

ویب ڈیسک

جنوبی کوریا میں نوول کورونا وائرس کے کم از کم 56 کیسز کافی کی تیاری کے حوالے سے بین الاقوامی سطح پر معروف کمپنی اسٹار بکس کی ایک شاخ میں سامنے آئے ہیں۔

0 0
Read Time:1 Minute, 55 Second

جنوبی کوریا میں نوول کورونا وائرس کے کم از کم 56 کیسز کافی کی تیاری کے حوالے سے بین الاقوامی سطح پر معروف کمپنی اسٹار بکس کی ایک شاخ میں سامنے آئے ہیں۔

کورین شہر پاجو میں واقع اسٹار بکس کی شاخ میں آنے والے متعدد صارفین کووڈ 19 کا شکار ہوئے، جس کی وجہ لوگوں کا فیس ماسک کا استعمال نہ کرنا اور کیفے میں ہوا کی نکاسی کا ناقص نظام قرار پایا۔

مقامی میڈیا کے مطابق حیران کن طور پر اس جگہ کام کرنے والا عملہ کورونا وائرس سے متاثر نہیں ہوا اور ماہرین کا ماننا ہے کہ اس کی وجہ یہ تھی کہ عملے نے فیس ماسک کا استعمال کیا۔

طبی حکام نے بتایا کہ کورونا وائرس کے اتنے زیادہ کیسز صرف ایک متاثرہ شخص کی وجہ سے سامنے آئے جو اس کیفے میں ایئرکنڈیشنگ سسٹم کے بالکل ساتھ بیٹھا تھا اور وہاں سے اس نے وائرس والے ذرات ہر جگہ پھیلا دیئے۔

یہ وائرس لوگوں تکم میزوں اور دروازوں کے ہینڈل سمیت دیگر اشیا کی آلودہ سطح کے ذریعے بھی پہنچا۔

کوریا سینٹرز فار ڈیزیز کنٹرول اینڈ پریونٹیشن (کے سی ڈی سی) کے سربراہ جیونگ یون کیونگ نے بتایا ‘کیفے میں آنے والے بیشتر افراد نے ماسک نہیں پہن رکھے تھے اور بظاہر وہاں نکاسی آب کا نظام بھی ناقص تھا، حالانکہ وہاں مرطوب موسم کے باعث ایئرکنڈیشنرز کا استعمال بھی ہورہا تھا’۔

انہوں نے مزید بتایا ‘اگر یہ وائرس ہوا میں موجود ذرات سے نہیں بھی پھیلا تو بھی منہ یا ناک سے خارج ہونے والے ذرات سے اس کے پھیلاؤ کا امکان تنگ جگہ پر ممکن ہے جبکہ یہ وائرس ہاتھوں کے رابطے میں آنے سے بھی پھیل سکتا ہے’۔

طبی حکام کا کہنا تھا کہ وہاں کام کرنے والے 4 افراد کی شفٹ اس وبائی بیماری سے متاثر نہیں ہوئی، جس کی وجہ عملے کی جانب سے اپنے فرائض کے دوران فیس ماسک کا مسلسل استعمال ہے۔

جنوبی کوریا نے دیگر ممالک کے مقابلے میں زیادہ کامیابی سے کورونا وائرس کی وبا کو قابو کرنے میں کامیابی حاصل کی تھی، مگر حالیہ ہفتوں کے دوران وہاں کیسز کی شرح میں دوبارہ اضافہ ہوا ہے۔

کیسز کی شرح میں اضافے کے بعد حکام کی جانب سے فیس ماسک کا استعمال لازمی قرار دی اگیا جبکہ سماجی دوری کے دیگر اقدامات پر بھی غور کیا جارہا ہے۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

آسٹریلیا میں کورونا وائرس کے 25 ہزار کیسز جبکہ ٹیسٹ میں کمی پر حکام کو تشویش جاری

آسٹریلیا میں کووڈ-19 کے کیسز کی تعداد 25 ہزار سے تجاوز کرگئی ہے، جبکہ شہریوں کی جانب سے ٹیسٹنگ سے گریز پر حکام نے تشویش کا اظہار کر دیا۔
coronavirus-wSD