سام سنگ گللیکسی نوٹ سیریز ختم کرنے کے لیے تیار

ویب ڈیسک
0 0
Read Time:1 Minute, 36 Second

سام سنگ کا گلیکسی نوٹ چند مقبول ترین اسمارٹ فونز میں سے ایک ہے جس نے بڑی اسکرین والی ڈیوائسز کو دنیا بھر میں مقبول کیا۔

پہلا گلیکسی نوٹ 5.3 انچ اسکرین کے ساتھ تھا جو آج تو چھوٹا محسوس ہوتا ہے مگر اس دور میں سب سے بڑا تھا جس کے ساتھ اسٹائلوس یا ایس پین کی شکل میں نئی ٹیکنالوجی کی فراہم کی گئی تھی۔

مگر ایسا محسوس ہوتا ہے کہ 2020 نوٹ سیریز کے فونز کے لیے آخری سال ثابت ہوسکتا ہے۔

رائٹرز کی ایک رپورٹ کے مطابقق سام سنگ کی جانب سے 2021 میں گلیکسی نوٹ سیریز کو ختم کرنے کی منصوبہ بندی کی جارہی ہے اور اس کی جگہ فولڈ ایبل فونز پر توجہ مرکوز کی جائے گی۔

رپورٹ میں ذرائع کے حوالے سے بتایا گیا کہ کمپنی کی جانب سے 2021 میں گلیکسی نوٹ کے نئے ورژن کی تیاری کی منصوبہ بندی نہیں کی جارہی۔

خیال رہے کہ کچھ عرصے سے ایسی رپورٹس سامنے آرہی تھیں مگر انہیں افواہیں قرار دیا جارہا تھا مگر اب رائٹرز نے ٹھوس شواہد پیش کیے ہیں کہ سام سنگ اپنے آئیکونک فون کو ختم کرنے کا ارادہ رکھتی ہے۔

رپورٹ میں بتایا گیا کہ نوٹ سیریز کی جگہ ایس 21 سیریز کے ایک فون اور فولڈ ایبل فون کے نئے ورژن میں ایس پین سپورٹ دی جائے گی۔

رپورٹ کے مطابق کمپنی نے اس حوالے سے بیان دینے سے گریز کیا۔

ریسرچ کمپنی کاؤنٹر پوائنٹ کے ایک تجزیہ کار ٹام کانگ نے بتایا کہ اس سال نوٹ سیریز کے فونز کی فروخت 80 لاکھ کی بجائے 5 لاکھ رہنے کی توقع ہے۔

انہوں نے کہا کہ رواں سال فلیگ شپ فونز کی طلب میں کمی آئی اور بیشتر افراد نئے فونز کے خواہشمند نہیں۔

خیال رہے کہ گلیکسی نوٹ 20 کو اگست میں 999 ڈالرز میں فروخت کے لیے پیش کیا گیا تھا جبکہ اس کے مقابلے میں آئی فون 12 کی قیمت 799 ڈالرز سے شروع ہوتی ہے۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

گوگل میپس میں حالیہ برسوں کی سب سے بڑی تبدیلی

گوگل کی مقبول ترین میپس میں حالیہ برسوں کی سب سے بڑی تبدیلی کی جارہی ہے اور وہ ہے فیس بک جیسا نیوزفیڈ۔ جی ہاں گوگل میپس میں نیوز فیڈ کو متعارف کرایا جارہا ہے جسے کمپنی نے اپنا نیا فیچر قرار دیتے ہوئے کمیونٹی فیڈ کا نام دیا ہے۔ صارف پوسٹس […]
google-maps-wSD