سونیا حسین نے بھی اپنا یوٹیوب چینل کھول لیا

ویب ڈیسک

شوبز شخصیات کی جانب سے سوشل میڈیا پر اکاؤنٹس بنانا تو معمول کی بات تھی، تاہم اب شوبز شخصیات اپنے یوٹیوب چینل بھی کھولتی جا رہی ہیں۔

0 0
Read Time:1 Minute, 30 Second

شوبز شخصیات کی جانب سے سوشل میڈیا پر اکاؤنٹس بنانا تو معمول کی بات تھی، تاہم اب شوبز شخصیات اپنے یوٹیوب چینل بھی کھولتی جا رہی ہیں۔

متعدد پاکستانی شوبز شخصیات کی طرح اداکارہ سونیا حسین نے بھی اپنا یوٹیوب چینل کھول کر مداحوں سے رابطے میں رہنے کا نیا ذریعے ڈھونڈ لیا۔

سونیا حسین نے اداکارہ صبا قمر، اقرا عزیز، جویریہ سعود اور دیگر اداکاراؤں کی طرح چند دن قبل ہی یوٹیوب چینل کھولا۔

سونیا حسین نے اپنے یوٹیوب چینل پر 16 اکتوبر کو پہلی ویڈیو جاری کی، جس میں ساتھی اداکار سمیع خان سے ڈرامے کے سیٹ پر باتیں کرتی دکھائی دیں۔

20 منٹ سے کم دورانیے کی ویڈیو میں سونیا حسین نے مداحوں کو بتایا کہ عام طور پر لوگ ڈرامے دیکھتے ہیں یا وہ کیمرے کے ذریعے دکھائے جانے والے مناظر کو ہی دیکھتے ہیں، تاہم وہ مداحوں کو کیمرے کے پیچھے والے مناظر دکھائیں گی۔

اداکارہ نے اپنی ویڈیو میں ڈرامے کے سیٹ پر ساتھی اداکارسمیع خان سے بات چیت کو ناظرین کو دکھایا کہ کیمرا بند ہونے کے بعد ڈرامے کے سیٹ پر کیا ہوتاہے؟

اداکارہ نے اپنی ویڈیو میں سمیع خان سے ڈرامے کی شوٹنگ کے دوران وقفے میں بات کی اور بتایا کہ شائقین تک اچھا مواد پہنچانے کے لیے ہدایت کاروں اور لکھاریوں کی طرح اداکاروں پر بھی ذمہ داری عائد ہوتی ہے۔

سونیا حسین کی ویڈیو ان کے ڈرامے سراب کے سیٹ پر بنائی گئی تھی، جس میں ڈرامے کے ڈائریکٹر محسن طلعت نے بھی بات کی۔

سونیا حسین اور سمیع خان کا ڈراما سراب رواں برس اگست سے ہم ٹی وی پر نشر کیا جا رہا ہے۔

سراب میں سونیا حسین نے ایسی لڑکی کا کردار ادا کیا ہے جو ذہنی بیماری کا شکار ہوتی ہیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کیپٹن صفدر کی گرفتاری کا معاملہ: ایڈیشنل آئی جی اسپیشل برانچ کی چھٹی کی درخواست

سندھ پولیس کے ایڈیشنل انسپکٹر جنرل (اے آئی جی) اسپیشل برانچ عمران یعقوب منہاس نے کیپٹن (ر) صفدر کی گرفتاری کے معاملے میں بےجا مداخلت پر دو ماہ کی چھٹی کی درخواست دے دی۔
Imran-Yaqub-Minhas-wSD