مالدیپ کے اس ریزورٹ میں پورا سال رہنا پسند کریں گے؟

ویب ڈیسک
0 0
Read Time:1 Minute, 33 Second

کیا آپ مالدیپ کے ایک ریزورٹ میں پورے سال تک رہنا چاہتے ہیں؟ تو اب ایسا ممکن ہے بس پیسے کچھ زیادہ خرچ کرنا پڑیں گے۔

انانٹارا ویلی ریزورٹ کی جانب سے ‘ان لمیٹڈ اسٹے ان پیراڈائز’ پیکج کے تحت 2021 میں لامحدود قیام کی پیشکش کی جارہی ہے۔

اس پیکج کے تحت 2 افراد ریزورٹ میں پورا سال قیام کرسکتے ہیں، جس کے دوران وہ پانی کے اوپر بنے بنگلے میں رہیں گے جبکہ روزانہ ناشتے، وائی فائی، ٹرانسپورٹ کی سہولت دستیاب ہوگی۔

کھانے اور اسپا سروسز میں رعایت بھی دی جائے گی اور اس پیکج کے لیے بکنگ 30 نومبر تک کرائی جاسکتی ہے۔

ریزورٹ کی ویب سائٹ کے مطابق 5 اسٹار ریزورٹ میں متعدد ریسٹورنٹس موجود ہیں جبکہ پرائیویٹ فللم اسکریننگ، اسپا اور دیگر تفریحی سہولیات بھی دستیاب ہیں۔

کورونا وائرس کی وبا کے بعد وہاں سیاحوں کی آمد پر پابندی عائد کی گئی تھی مگر جولائی کے وسط سے بیرون ملک سے لوگوں کو آنے کی اجازت دی گئی۔

فوٹو بشکریہ انانٹارا ویلی ریزورٹ

وائرس سے تحفظ کے لیے ریزورٹ میں مہمانوں کو عالمی ادارہ صحت کی گائیڈلائنز پر عمل کرنا ہوگا۔

درحقیقت یہ پیشکش کھ اس طرح کی ہے جو کچھ عرصے پہلے ریسٹورنٹس میں دی جاتی تھی کہ ایک مخصوص رقم کے عوض جتنا کھانا کھا سکتے ہیں، کھائیں، اس میں کھانے کی جگہ قیام کو دے دی گئی ہے۔

وہاں آنے والے مہمانوں کو کھانے پکانے، غوطہ خوری اور سرفنگ جیسی سرگرجیوں کی تربیت بھی فراہم کی جائے گی، مگر فیس دینا ہوگی۔

اس پیکج کی قیمت 30 ہزار ڈالرز (47 لاکھ پاکستانی روپے سے زائد) رکھی گئی ہے۔

خیال رہے کہ مالدیپ کی معیشت کا انحصار بین الاقوامی سیاحوں پر ہے اور اسی وجہ سے وہاں کی سرحد بہت جلد سیاحت کے لیے کھول دی گئی ہے۔

مالدیپ میں اب تک 12 ہزار سے زائد کورونا کیسز کی تصدیق ہوئی ہے اور اموات کی تعداد 12 ہے۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کراچی پہنچنے والی کے سی آر کی کوچز میں کیا سہولیات موجود ہیں؟

کراچی سرکلر ریلوے (کے سی آر) کوچز، جنہیں اسلام آباد کی کمبائنڈ فریٹ انٹرنیشنل (سی ایف آئی) کیرج فیکٹری میں تیار کیا جارہا تھا، انہیں پیر کو کراچی میں سٹی ریلوے اسٹیشن پہنچادیا گیا۔ سوہنی دھرتی اخبار کی رپورٹ کے مطابق 11 سفید اور نیلے رنگ کی کوچز پر سبز اور […]
kcr-wSD